stOneKAY
stOneKAY anaonekana kama kijana ambaye amekubali ukuaji wake na anataka kuwa bora inapokuja kwenye maswala ya uchanaji ambapo yeye huandaa kazi isiyokuwa na dosari kwenye nyimbo zake. Uwasilishaji anaotuzawadia nao ni wa kuvutia, nguvu anazochana nazo ni nzuri sana, na punchline anazotoa ni nzuri na za kijanja.
Tunakuletea stOneKAY ili uweze kumfahamu yeye ni nani na pengine kupata kuunga mkono ufundi wake.
stOneKAY ni nani , majina yako halisi na historia fupi kuhusu maisha yako kabla hatujaanza safari yako ya muziki?
Stone Kay ni mwimbaji/rapper wa Kenya, mtunzi wa nyimbo na msanii wa kuigiza. Majina rasmi ni Livingstone K. Thuo mzaliwa wa tatu katika familia ya watu watano (5).
Tuambie kuhusu jina lako la kisanii stOneKAY ?
Jina la kisanii linatokana na majina yangu rasmi (Livingstone) inatupia stOne na K na lebo 'SAWA' au “OKAY” huonekana wazi katika jina baada ya kuunganishwa na kuwa stOneKAY.
Ni nini kilikufanya utamani kuwa mwanamuziki?
Nilikuwa na shauku ya kufanya muziki tangu nilipokuwa mdogo lakini sikuwa na motisha yoyote ya kufuata ndoto hiyo hadi nilipokuwa na umri wa kutosha kuelewa kwamba, "Ikiwa unataka kitu kifanyike, bora ufanye mwenyewe."
Je, una nguvu gani unazoamini zinakufanya kuwa mwanamuziki bora?
Ustadi mzuri wa uandishi wa muziki, uwasilishaji na show zangu nikiwa jukwaani, uchapakazi, uvumilivu na uwezo wa kubadilika . Mimi pia ni rahisi kupiga kazi na mtu yoyote yule bila kujali hali ya kijamii na viwango.
Ni nini kuhusu muziki kinachokufanya ujisikie kuwa na shauku?
Katika maisha haya sote tunaishi kwa muziki kwa njia moja au nyingine. Kwa burudani, faraja kwa huzuni, kutiana moyo na kuinuana, kulaani na kuelimisha nk. Muziki ni chombo ambacho kingepaswa na kinapaswa kufanya ulimwengu kuwa mahali bora zaidi.
Eleza sehemu unayoipenda zaidi na usiyoipenda zaidi kuhusu kuwa mwanamuziki.
Kitu ninachopenda zaidi kuhusu kuwa mwanamuziki ni kwamba wanamuziki wana uwezo wa kuunganisha kila mtu ulimwenguni kupitia muziki na kuchukua nafasi chanya katika jamii na kizazi kipya kuiga. Kitu ambacho sipendi kuhusu kuwa msanii ni wakati hadhira haiwapatiii chipukizi wetu nafasi ya kuonesha vipaji vyao hadi inafikia mda wao wanakata tamaa.
Je , una uraibu gani unaokufurahisha au unaokuvutia nje ya muziki?
Kando na muziki napenda kusafiri, kukutana na watu wapya na maeneo mapya na kushiriki katika matukio ya kijamii, ninavutiwa na filamu, uundaji wa mitindo ya kibiashara na kuzungumza hadharani.
Je , ni mafanikio gani unayaona ukipata katika miaka 5 hadi 10 ijayo?
Ninajiona kama mwana wa nyumbani anayepeperusha bendera ya Kenya kwenye jukwaa la kimataifa. Ninajiona nikianzisha lebo za rekodi ili kusaidia wasanii wanaohangaika kwani ninatetea usimamizi bora wa sanaa ya ubunifu katika tasnia ya burudani. Ninajiona nikiishi katika nchi ambayo wasanii wanashikiliwa kwa viwango vya juu na haki zinazoheshimiwa.
Eleza mchakato wako wa ubunifu unapoandika wimbo mpya.
Wazo linaweza kuhusiana na matukio ya zamani, ya sasa na ya kutabiriwa, wazo linawekwa katika maandishi, baadaye ninashirikisha wataalamu kwenye mambo ya utayarishaji ili kufikia matokeo ya kuridhisha.
Je, ni mwanamuziki gani unayefaa kufanya naye kazi na kwa nini?
Sijiwekei kikomo kwa shughuli za ufundi inapokuja kwa kufanya kazi na mtu yeyote. Kuna wanamuziki wengi wa kawaida na wa chinichini na yeyote ambaye ana maono sawa na mimi anakaribishwa kufanya kazi nami.
Mimi ni kitabu wazi, akili huru. Kwa kuwa muziki hauna kikomo ningependa kufanya kazi na mwanamuziki mwenye ufahamu (conscious) ambaye ana malengo na maadili mema.
Je, kuna wanamuziki wowote wanaokupa motisha? Ni sifa gani unazozipenda?
Kuna wanamuziki wengi ambao wamekuwa na bado ni chanzo cha msukumo kwangu. Chukua Nameless kwa mfano, amestahimili mtihani wa wakati na ni mfano mzuri wa jinsi ya kusawazisha maisha ya kibinafsi na upande wa maisha wa muziki. Khaligraph Jones pia ameonesha kuwa bidii na uthabiti hulipa kweli.
Ni nini kilikuhimiza kuanza kucheza na kutengeneza muziki?
Kubadilisha hadithi na kuwa sehemu ya hadithi. Kama nilivyosema hapo awali ikiwa unataka kitu kifanyike vizuri zaidi fanya mwenyewe.
Je , ni ushauri gani bora zaidi ushawahi kupewa na rapper mwingine?
Kunaweza kuwa na wewe tu, kuwa wewe. Asili, uvumilivu, uthabiti na bidii.
Je , ni mradi gani unaopenda sana na kwa nini?
Mradi ninaoupenda ni wimbo wangu mpya wa Follow . Ni wimbo uliotengenezwa kwa ajili ya kuburudisha na kuelimisha na ulipata mapokezi makubwa.
Neno lolote kwa waumini/mashabiki wako?
Endelea kuniunga mkono na kuniamini maana ndoto za leo ndio ukweli wa kesho.
Unaweza kumwambia nini msanii anayekuja ambaye anajaribu sana kufikia hatua ya kutaka kukata tamaa?
USIKATE TAMAA! USIKATE TAMAA! Uvumilivu unalipa, tumia wakati wa Mungu na kumbuka washindi hawakati tamaa kamwe.
Nini tutarajie toka kwa stOneKAY ?
Tarajia muziki zaidi, vipengele zaidi kwenye filamu na mifumo mingine inayohusiana na muziki.
Mitandao ya Kijamii/majukwaa yako rasmi ya muziki kwa watu ambao hawajakutana nawe?
Facebook: Stone Kay
Instagram: _stonekay
Twitter: MCstoneKay
YouTube: Junkyard promoters
Kuna mtu yeyote ungependa kumgotea?
Ningependa kumgotea kaka yangu ki muziki Paul Dee ambaye bado anatembea nami katika safari yangu ya ki muziki.
Panchi yako ya mwisho?
Piga kazi, Uaminifu, HESHIMA. stOneKAY yuko SAWA.
